113分鐘，近期狀態不俗嘅夏維斯近門射入領先1比0揭開入球騷嘅開始。21分鐘，耶穌仔把握機會喺禁區射入領先2比0，23分鐘，薩卡嘅門前執死雞撞射成3比0。27分鐘，馬天尼利接應長傳後沿左路推番中路射遠柱入網4比0。上半場補時階段，富安健洋右路傳中由隊長奧迪哥特表演球不著地抽射成5比0進入更衣室。
愛隊雖然喺下半放慢攻勢，不過佐真奴亦喺86分鐘尾段主射12碼埋齋，結果今仗愛隊大勝6比0鎖定喺B組首名出線。我哋下一場賽事將會喺本週六聯賽主場對狼隊。
