週日, 27 八月 2023 03:13

主場對富咸賽後報告

上半場薩卡喺開賽不足1分鐘犯錯,誤傳比皮利拉射入,愛隊暫時落後0比1。31分鐘,薩卡接應傳中波但係頂高咗,未能將功補過,最後上半場愛隊落後富咸0比1進入更衣室。

下半場70分鐘,後備入替維亞那殺入禁區被踢跌獲得12碼,隊長奧迪哥特讓比薩卡主射將功補過為愛隊追平1比1。72分鐘,今仗表現突出嘅維亞拿喺左路傳中比尼基迪亞門前射入反超前2比1。富咸更喺83分鐘有巴斯被逐,踢少一人反而成為球賽轉列點,87分鐘,柏連拿把握愛隊於防線不集中精神下射入逼和2比2,最後愛隊亦無法喺補時9分鐘內入球而首次喺今季失分。

睇返聯賽榜方面,愛隊現以3戰得7分與韋斯咸及熱刺並列榜首。而我哋下一場賽事將會喺下星期日於主場迎戰曼聯,寄望領隊及眾球員檢討今場得失重新出發全取三分!

閱讀 379 次數