週一, 11 四月 2022 06:19

主場對白禮頓賽後報告

上半場愛隊明顯受到因球員受傷必須變陣之下而影響表現,上半場大部份時間都瞪著膠著狀態。28分鐘白禮頓憑一次長傳攻勢而先開紀錄,美維樸右路落底線傳中,杜沙特無人看管之下接應射門破網替客軍領先1比0。原本喺補時階段馬天尼利門前一頂入網,但VAR判越位而食一記詐胡,結果半場客軍領先愛隊1比0返回更衣室。

下半場愛隊表現亦都有所改善,但67分鐘美維樸喺禁區外窩利勁射破網將比數改寫為2比0。之後愛隊發力狂攻,去到尾段奧迪哥特罰球中横楣再由尼基迪亞補頂亦一樣中横楣,雖然最後奧迪哥特射門省中韋碧克將皮球笠入追成1比2,但為時已晚,最後愛隊負1比2結束今場比賽,繼水晶宮之後錄得兩連敗。
愛隊再一次全失3分後,以30場54分排第5位,少第4位嘅熱刺3分,但少踢1場。寄望愛隊盡快提升比賽狀態喺一星期後嘅復活節假期作客修咸頓可以重回正軌。COYG!

閱讀 169 次數