週一, 21 三月 2022 05:47

作客對阿士東維拉賽後報告

今仗雖然有藍斯度同馬天尼利因傷病缺陣,不過上半場愛隊就反客為主向維拉搶攻,11分鐘薩卡傳中,干沙差d擺烏龍,幸得馬天尼斯反應極快將皮球托出底線 。30分鐘,維拉未能喺禁區前解圍比薩卡射入領先1比0,呢球亦係愛隊繼利及曼之後第三支球隊取得第2000個英超入球。

下半場,愛隊繼續佔得優勢,不過並未能入到第2個保險球,直至中後段,維拉開始取得較多攻勢,屈堅斯喺右路推大位起腳中柱彈出同埋喺補時階段利奴反應依然敏捷救出古天奴嘅罰球,最後愛隊有驚無險小勝維拉1比0以28場54分續排第4位,領先踢多1場嘅曼聯4分。
踢完今場之後愛隊亦都有兩個星期國際賽期抖一抖,抖完之後就要迎接4月份嘅地獄賽程。第一場就係兩星期後作客由我哋前鐵血隊長韋拉執教嘅水晶宮,COYG!

閱讀 429 次數