週一, 25 十月 2021 05:44

主場對阿士東維拉賽後報告

今仗上半場愛隊一開波就非常積極搶攻,隊長奧巴美揚於8分鐘就率先入波,但因為拿卡錫迪犯規在先,被判食炸糊,隨後柏迪射門亦中楣彈出。去到23分鐘由路維開出角球,再由柏迪頂入領先1比0,亦係佢加盟愛隊以嚟第一個入球。補時階段,再由拿卡錫迪博到12碼由隊長奧巴美揚主射,雖然被馬天尼斯撲出,不過隊長立即上前補射入網,愛隊就以2比0領先上半場。

下半場開波6分鐘,就由路維單刀射成3比0,至於維拉就由後備入替嘅藍斯喺82分鐘入波破蛋,結果愛隊就以3比1擊敗維拉全取3分。
愛隊聯賽不敗走勢延續至第6場得14分排第9位。雖然今仗維拉踢得非常鬆散,但愛隊表現非常積極進取,得勝絕對有信服力。而家我哋又要將注意力放番喺四天之後嘅聯賽盃主場對列斯聯,盼望愛隊不論戰果,總之再接再厲踢出漂亮足球,廠迷以愛隊為榮!COYG!!

閱讀 107 次數