週二, 11 五 2021 05:11

主場對西布朗賽後報告

相比上一場對維拉利爾,今仗達帥喺陣容上作出半隊人腳變動,去仗掛帥嘅隊長奧巴美揚列為後備,改由馬天利尼攻堅。上半場29分鐘由路維接應左路傳中射入領先1比0。6分鐘後比比喺偏右位置移入中路抽射破網成2比0。上半場愛隊就以2球領先。

下半場戰至68分鐘,客軍由皮利拉追番1球較接近嘅記錄,然而愛隊喺完場前再由久未有士哥嘅韋利安食尾糊,射番一記靚罰球錦上添花,最後亦以3比1完場。
愛隊35戰得52分排第9位,而西布朗35戰得26分排19位,落後尾4的般尼10分,今場賽事亦確定客軍來季降至英冠角逐。至於愛隊已經四大皆空無欲無求,寄望佢哋可以喺最後三場賽事當中 悉力以赴以回報世界各地嘅fans,而下一場賽事將會係三日之後13號凌晨倫敦打吡作客車路士。

閱讀 224 次數 最後修改於 週二, 11 五 2021 05:12