坐過山車嘅賽程就喺下半場開始，喺61分鐘利治開出龍門球，施巴約斯頂後造就客軍施華單刀扭過利奴射入空門，愛隊頓時陷入出局邊緣。達帥喺63分鐘作出變陣安排換入韋利安同湯馬斯，4分鐘後韋利安回傳比迪恩尼半傳半射之下皮球直入死角追平2比2，我哋仲差一個入球先至可以晉級免被淘汰。幸運地薩卡喺87分鐘再次搵到隊長奧巴美揚龍門前送出助攻近門射成3比2。最後我哋亦都好幸運靠門柱幫忙令到賓菲加唔能夠入多一球，我哋最終以2回合計總比數4:3躋身16強。
愛隊喺勝利之後亦都要馬不停蹄要喺雅典坐飛機趕返英國以備戰星期日作客已喺歐霸盃出局嘅利斯特城。
週一, 01 三月 2021 04:51
主場對賓菲加賽後報告
今場愛隊比較首回合嘅正選陣容只係作出1個調動，迪恩尼頂替蘇亞利斯出任正選。上半場客軍喺開賽初段相當主動，不過率先有威脅埋門機會都係愛隊，開波8分鐘，沙卡斜傳比企喺龍門前嘅隊長奧巴美揚窄角度射門被門將擋出。21分鐘，今場非常活躍嘅隊長突破越位接應薩卡妙傳，半單刀之下射入領先1比0。不過賓菲加喺完半場前2分鐘獲得罰球，干沙維斯直射破網，為客軍半場追成1比1平手。
發佈於
賽後報告