上半場開場謹幾分鐘，愛隊原本有機會先開紀錄，拿卡錫迪頭槌攻門，格列沙加將個波撞入網，但越位在先入球無效。之後布卡約沙卡同隊長美揚攻門亦無功而還，上半場0比0進入更衣室。
下半場踢到尾段，李斯特城靠1次反擊得手，辛基斯安達接應長傳，殺入禁區右路傳中，華迪呢位33歲老將插水式飛頂入網，結果狐狸就憑呢一球以1比0擊敗愛隊全取3分。無論戰術上或心態上愛隊都應該有改善嘅空間，寄望下仗愛隊喺歐霸盃主場對弱旅鄧達克有所改善繼而嚴陣以待7日後作客曼聯呢一場硬仗，COYG！
