下半場愛隊嘗試強攻盡快收復失地，薩卡與添巴先後埋門都未能將皮球送入網窩。64分鐘，史基利禁區內犯手球，域真亞主射12碼，一球冇速度冇角度嘅射門被拉也擋出。好不幸救到一球12碼但再救不了另一球勁射。72分鐘，剛以後備身份上陣嘅丹比利交波比夏基美喺禁區內射成2比0。即使薩卡喺4分鐘後破蛋追近至1比2，但為時已晚，結果主隊2回合總計贏3比1進身於本月31日喺慕尼黑同國際米蘭爭奪大耳盃寶座。
人總要向前看，我哋下一場賽事將會返回聯賽於2日後作客今季聯賽冠軍利物浦，寄望愛隊為尊嚴而戰一挫紅軍！COYG！！
週五, 09 五 2025 07:47
作客聖日耳門賽後報告
愛隊開賽初段憑界外球攻勢埋門實在非常到肉，4分鐘，馬天尼利喺一次手榴彈攻勢中撞射，被當拿隆馬擋出。跟著就輪到隊長奧迪哥特喺禁區頂勁射，又係佢！當拿隆馬橫身單手擋出，真冇運。喺久功不入球下，運氣就會溜去大巴黎，17分鐘，基化史基尼亞勁射中柱正好發出警號。27分鐘，安路雷斯把握愛隊球員解圍不遠，喺蛾眉月位置控定皮球後左腳窩利射入一記世界波領先1比0，兩回合計領先2:0，上半場愛隊就以0比1落後返回更衣室。
發佈於
賽後報告