下半場愛隊一開波差d又入波，47分鐘，隊長奧迪哥特窄角度射遠柱，可惜被彭馬救出，馬天尼利右腳射門亦被擋。56分鐘，主隊有一次絕無僅有嘅埋門機會，靴斯右腳射門柱邊出界。69分鐘，愛隊又一次角球戰術得手，托沙射門得手梅開二度領先至3比0。88分鐘，旺拿尼錦上添花嘅入球為愛隊輕輕鬆鬆作客大勝葉士域治4比0。
睇返聯賽榜方面我哋以33戰得66分僅次於利物浦排第2位。
我哋下一場賽事將會喺三日後星期四凌晨主場對另一倫敦球隊水晶宮，希望愛隊繼續以輕鬆心態面對比賽以避免球員不必要的受傷。COYG！
週一, 21 四月 2025 07:50
作客對葉士域治賽後報告
6分鐘，托沙喺禁區接應薩卡傳球射門被擋出。14分鐘，又係托沙，今次佢喺禁區接應右腳射門破網令主隊落後0比1。愛隊領先後繼續控制比賽節奏，有如練習賽一般。24分鐘，美連奴6碼點銅頭一搖，可惜僅僅高出。28分鐘，美連奴助攻傳球比馬天尼利起腳得手將比數拉開至2比0。32分鐘，戴維斯從後侵犯薩卡直接領紅，主隊逐以10人應戰可謂屋漏兼逢夜雨。接著薩卡喺連番射門都不入之下，愛隊上半場領先2比0返回更衣室。
發佈於
賽後報告