下半場早段，紅魔都有2次必入機會，幸虧愛隊有鋼門拉也2次神救力保不失。54分鐘，達洛治喺左路比波馬沙拿維窩利熨射，喺近距離之下被拉也小腿擋出底線。59分鐘，加拿曹右路交波比施亞斯門前以後腳試射，又被拉也及時救出。74分鐘，經過多番嘗試之後，入球終於降臨比愛隊，添巴喺右邊近底線扭入禁區再交比喺禁區頂無人看管嘅懷斯勁射破網追和1比1，懷斯不只入球追和仲喺完場之前做咗救世主。84分鐘，因隊友傳球失誤之下犯錯比海倫單刀直入禁區，好彩懷斯喺海命起腳之前成功阻截。87分鐘，哥利亞左路傳入禁區，今次又係海倫射門，不過被加比爾踢出底線。

喺補時階段，隊長奧迪哥特射門被安拿拿救出未能反和為勝，最終只能維持1比1完場。

睇番聯賽榜方面，愛隊28戰得55分排第2位，比多賽一場嘅利物浦少15分，而紅魔則繼續排第4位(下半板)，繼續為護級而努力。

我哋下一場賽事將會喺兩天後凌晨主場對燕豪芬爭奪歐聯八強一席位，以6球優勢兼主場出擊，相信達帥而家真係要研究點樣喺八強征服馬德里！