主隊經過上半場遊魂之後，易邊後情況依然，仲喺1分鐘內連失2球。47分鐘，隊長奧迪哥特把握賓尼迪斯擋球不遠之下近門射入領先4比1。48分鐘，托沙入楔喺近柱射入拉開比數至5比1。愛隊並未因遙遙領先而停下腳步，繼續得勢不饒人。73分鐘，隊長奧迪哥特禁區頂施射成6比1兼個人梅開二度，雖然呢一球有欠勁度，喺信心全失情況下賓尼迪斯都無法挽救。85分鐘，卡拉費奧利為愛隊埋齋兼破歐聯淘汰賽歷來最大客勝記錄7比1。
喺歐聯方面，無論下週第二回合主場賽事結果如何，相信愛隊亦都無懸念可以晉級8強對皇馬或馬體會。
我哋下一場賽事將會返回聯賽戰線喺4日後作客下游第14位嘅曼聯。
週三, 05 三月 2025 06:00
作客燕豪芬賽後報告
16分鐘，沙巴利近門勁射中楣，好彩法明高補射未中目標，愛隊喺大難不死之下後福必至。18分鐘，後福好快由添巴開始，佢接應懷斯嘅傳中頂入領先1比0。21分鐘，旺拿尼射成2比0。31分鐘，主隊守將喺禁區內未能解圍，美連奴截得皮球後快腳射入擴大比數至3比0。43分鐘，路亞蘭射入12碼破蛋追番1球，主隊上半場落後1比3。
發佈於
賽後報告