一個壞消息喺下半場出現，入球功臣旺拿尼因傷要喺下半場換出，由馬天尼利代替。61分鐘，沙利巴同柏度喺禁區爭頂球之下，沙利巴意外頂到柏度而令主隊獲判12碼，柏度親自操刀射入追平1比1。海鷗尾段差d入多1球，文迪右路半傳半射下，喺門前嘅艾耶利未能撞入空門，愛隊不至於3分全失，最後愛隊喺潮濕寒冷嘅天氣，兵源短缺，球證執法水平等等不利因素之下被主隊1比1逼和痛失2分。
喺聯賽榜方面，愛隊以20戰40分排次席，落後踢少兩場榜首嘅利物浦5分。
而我哋下一場賽事將會係今季挑戰首項盃賽錦標嘅聯賽盃4強首回合主場賽事，三天後嘅星期三凌晨喺酋長球場對近況不錯嘅紐卡素，希望各位戰將保持自信向首項錦標邁進，COYG！