下半場我哋亦都保持上半場嘅強勢好快又再一次取得入球。52分鐘，湯馬斯喺禁區外放冷箭將比數改寫成2比0。森林其後亦都換入皇牌射手基斯活，不過第三個入球都係屬於我哋嘅。86分鐘，年僅17歲後備入替嘅超新星旺拿尼接應史達寧傳中射成3比0而取得近5場聯賽首勝。
睇返聯賽榜方面愛隊以12戰得22分排第4位比少賽1埸嘅利物浦小6分。而我哋下一場賽事將會轉戰歐聯喺4日後去到里斯本作客士砵亭。襯喺對方皇牌領隊阿摩廉過檔曼聯後可以一舉打敗對方全取3分！
週日, 24 十一月 2024 06:07
主場對諾定咸森林賽後報告
雖然上半場開賽初段添巴嘅入球因美連奴越位而食咗鋪炸糊，但喺愛隊不斷施壓之下當然就會有回報。15分鐘，今仗有出色表現嘅薩卡喺禁區內一直帶橫後左腳勁射掛網領先1比0。雖然其後攻勢一浪接一浪，不過薩卡同埋托沙嘅施射都比反應奇快嘅沙斯救出，結果愛隊就僅以1球領先上半場返回更衣室。
發佈於
賽後報告