換邊後愛隊經過一番努力之後卒之搵到缺口，60分鐘，隊長奧迪哥特喺禁區傳波去遠柱，而馬天尼利無人看管之下窄角度射破山齊士領先1比0。其後主隊換入費蘭迪斯，70分鐘，由呢位後備入替嘅阿根廷國腳傳球比尼圖喺25碼射出地波扳平比數1比1。之後達帥換入托沙，美連奴同耶穌仔加強攻力，87分鐘，經一輪短傳組織之後搵到機會由托沙補射，但炒高咗。去到補時階段托沙再嚟一次最後一擊，不過非常可惜托沙喺門前撻Q。最終只能以1比1打和。
睇返聯賽榜方面愛隊11戰得19分與車路士，森林及白禮頓同分，不過車路士以較佳得失球列第3位，愛隊則排第4位比榜首利物浦小9分。
而嚟緊兩個星期係國際賽期，正好比我哋涯過一段地獄賽程之後透下氣及調整吓陣容，而我哋下一場賽事將會係兩星期後主場對近況不俗嘅諾定咸森林，期望愛隊可以重演2季前嘅主場大炒森林5比0嘅賽果！
週一, 11 十一月 2024 01:49
作客車路士賽後報告
其實喺賽前出賽球員名單中出現隊長奧迪哥特名字實在太驚喜！不過車仔亦有主將神奇傷癒復出。開賽僅3分鐘，彭馬就離門25碼勁射，幸得拉也反應快托出底線。24分鐘，尼圖左路傳中，古斯度門前頂高。32分鐘，愛隊開出罰球比夏維斯喺無人看管下送皮球入網，但VAR話呢球係夏維斯接球前已越位變詐糊，結果上半場互無紀錄返回更衣室。
發佈於
賽後報告