不過下半場初段愛隊再遇到球員受傷嘅打擊，加比爾懷疑拉傷大腿肌肉不能繼續比賽，由基維奧入替。76分鐘，正所謂福無雙至禍不不單行，愛隊再有一員大將受傷退出火線，左閘添巴亦都受傷要換上小將史基利。紅軍因應我哋有2位球員傷出作出換人調整而開始佔得上風，81分鐘，紅軍喺一次防反中由阿奴長傳比紐尼斯橫傳沙拿射成2比2，最後愛隊喺賽前陣容不整及連傷2員之下被紅軍逼和痛失2分。
聯賽榜方面，愛隊以9戰得18分比同為9戰次席利物浦少4分及榜首曼城少5分。而嚟緊嘅賽事將會轉戰聯賽盃馬不停蹄喺星期三嘅凌晨作客普雷斯頓，除咗寄望順利進級之外仲要保佑唔好再增添球員嘅受傷！
週一, 28 十月 2024 03:28
主場對利物浦賽後報告
9分鐘，韋治後場長傳比薩卡喺右路用速度力壓羅拔臣起左腳勁射近柱破網領先1比0。18分鐘，阿歷山大阿奴左路開出角球，迪亞斯近柱頭槌比雲迪克門前衝頂入網追平1比1。餘下時間，愛隊攻勢較多亦流暢，可惜美連奴曾接應懷斯開出嘅罰球禁區內射門撻Q，夏維斯同馬天尼利亦射門高出。而再次入球機會就喺43分鐘出現，懷斯右路開出罰球比美連奴頂入加盟後嘅首個入球助愛隊上半場再度領先2比1。
發佈於
賽後報告