週三, 23 十月 2024 06:37

主場對薩克達賽後報告

今仗愛隊開賽即積極搶攻,6分鐘,愛隊幾乎憑角球攻勢先開紀錄,不過卡拉費奧利近門抽高錯失領先機會。入球終於喺29分鐘出現,馬天尼利射門中柱後皮球反彈落對方門將身體後入網,之後再無多添入球,愛隊就以1比0結束上半場返回更衣室。

下半埸愛隊依然攻勢旺盛,74分鐘,愛隊喺客軍嘅邦達禁區內犯手球得到12碼,但非常唔好彩托沙嘅射球被擋出。去到比賽尾段,柏甸尼離門18碼勁射,當然被神勇嘅拉也擋出,而呢次射門亦係客軍全場唯一中框嘅射門,最終愛隊以1比0獲勝,賽後愛隊以3戰得7分於歐聯排行榜與摩洛哥及士砵亭同分,以得失球差排第4位比榜首維拉少2分。
而我哋下一場賽事將會喺28號凌晨主場榜首大戰硬碰利物浦,希望各球員可以全力以赴誓要全取3分!
最後就係寄語英超球證回頭是岸,執法公正,尺度一致,善哉善哉!

閱讀 255 次數