70分鐘，曲克開出角球交地波比古華特回傳基士堤抽射掛網領先1比0。75分鐘，所謂福無雙至，禍不單行，基維奧因為回傳乏力比伊雲尼遜截球後成單刀狀況，拉也唯有技術犯規將佢絆跌，當然結果就係被判12碼，由古華特操刀射成2比0。最後我哋亦以此比數於今季首次敗陣兼失去升上榜首機會。
睇返聯賽榜方面我哋8戰得17分位列第3位比少賽1場嘅利物浦少1分。而下一場賽事將會喺下星期三凌晨於歐聯主場對薩克達。寄望愛隊重拾心情，檢討錯失及重回正軌！
週日, 20 十月 2024 10:34
作客般尼茅夫賽後報告
一不離二，二不離三，今次主角就係沙利巴！30分鐘，因托沙一次後傳失誤，沙利巴逼住要阻止伊雲尼遜單刀而犯規，球證即出示黃牌，但好不幸經VAR審視後改判紅牌。愛隊又一次要以寡敵眾，上半場餘下時間互無紀錄返回更衣室。
發佈於
賽後報告