下半場52分鐘,馬天尼利禁區射門而安東尼奧就以手擋球,球證示意12碼,但愛隊今場波嘅轉淚點就由呢個12碼罰球開始埋下和波伏線。薩卡主射12碼喺柱邊出界,54分鐘,保雲接應高波射地波彈地入網,追成2比2平手。之後愛隊換入托沙及佐真奴加強攻力,69分鐘,薩卡一人帶波去到禁區起腳,但法比安斯基好輕鬆接實。臨完場達帥再換入奧維亞拿,尼爾遜同尼基迪亞嘗試爭取入球,結果係事與願違再一次喺大好形勢下被追和而痛失2分。
喺聯賽榜方面愛隊以31戰74分排於榜首,領先次席少賽1場嘅曼城4分。而我哋下一場賽事將會係嚟緊嘅星期六凌晨主場對修咸頓。雖然喺最近兩場賽事連失4分之後可謂優勢全失,但最重要係保持自信戰鬥到最後一刻!COYG!!