下半場主隊一開波就全隊壓上猛攻愛隊,52分鐘,賀定‘’疑似‘’喺禁區內侵犯祖達下,球證直指12碼,不過操刀嘅沙拿射斜宴客。宴客之後沙拿喺56分鐘再有一腳喺禁區內射門被今仗有神勇表現嘅藍斯度救出。81分鐘,沙拿比波後備上陣嘅紐尼斯半單刀射門,再一次被藍斯度神勇救出。87分鐘,由後備上陣嘅費明奴喺禁區內接應阿奴右路底線傳中頂入追平2比2。雖然紅軍喺完場前圍攻愛隊,但都比藍斯度多次化險為夷,最後替愛隊保住1分完場。
喺聯賽榜上以30戰得73分領先少賽一場嘅曼城6分。我地下一場比賽將會喺下週日倫敦打比作客對韋斯咸,雖然今仗我哋失咗2分,但仍然係爭標路上處於有利位置,但已經冇乜失分嘅空間,對韋斯咸呢3分可謂不容有失,COYG!
[13:59, 2023年4月10日] KK Wong: 作客利物浦賽後報告