下半場正式展開一場峰迴路轉嘅攻防戰。55分鐘，韋治傳中比尼基迪亞，不過不幸地頂中横楣。愛隊攻勢一浪接一浪，61分鐘，施真高接應短角球喺禁區邊射入近柱追和2比2。之後愛隊同維拉亦都有機會增添記錄，不過庇利同杜蘭嘅射門都被藍斯度撲出，可謂無驚無險。而薩卡亦多番埋門無功而回，最離譜係隊長奥迪哥特嘅門前失機。喺看似和局痛失2分之際，新加盟嘅佐真奴就做左我哋嘅雷霆救兵！喺補時3分鐘佐真奴喺禁區邊放一記冷箭，但好不幸中左邊柱彈出，不過塞翁失馬焉知非福，皮球中楣彈出後正中馬天尼斯後腦入網戲劇性反勝3比2。補時8分鐘，維拉搏得角球後連龍門馬天尼斯都上埋嚟助攻，不過我哋截得皮球之後由韋拉交一個直線波比馬天尼利射入空門以4比2奠定勝局。
愛隊喺聯賽榜以23場得54分比多賽一場嘅曼城多2分再度升回榜首。而我哋下一場聯賽將會喺25號凌晨作客李斯特城，喺經過一段小低潮之後，而家我哋每一場比賽都要當決賽嚟應對，總之每一場呢3分都不能少！COYG！