週日, 05 二月 2023 05:22

主場對賓福特賽後報告

上半場25分鐘,客軍東尼喺禁區起腳中楣彈出。39分鐘,又係對方最大威脅嘅東尼喺30碼外勁射,好彩藍斯度飛身撲走,愛隊上半場同賓福特互交白卷進入更衣室。

下半場51分鐘,尼基迪亞扭過阿爾後傳中,奧迪哥特右腳施射,不過比拉也救出。喺62分鐘托沙入替近2場賽事表現有所滑落嘅馬天尼利。托沙亦即時發揮作用喺66分鐘接應薩卡嘅傳中射入,愛隊打開紀錄1比0。但好不幸喺74分鐘門前混戰由洛哥回傳比東尼近門頂入追和1比1,最後亦以此比數完場。
愛隊連續2場失咗5分之後,仍以21場51分續居榜首,領先次席曼城6分,而關鍵嘅一戰就係喺幾日後嘅16號凌晨主場迎戰曼城呢場榜首大戰。各位廠迷千祈唔好存有希望曼城會因為財政公平條例會被英足總扣分,因審訊係要經數年漫長時間先有結果,所以一定要靠自己,全力爭取呢場六分波!COYG!

閱讀 309 次數