上半場3分鐘，愛隊近況大勇嘅隊長奧迪哥特射門但可惜高出。7分鐘，馬天尼利送出直線波比沙卡，但射中網側。反而喜鵲差d喺補時階段入波，祖亞寧頓喺冇人看管之下頭槌攻門，好彩未中目標，上半場以0比0返回更衣室。
下半場，客軍以守和為目標加強防守，愛隊喺老鼠拉龜情況底下，最終互交白卷各得1分。愛隊賽後續以比賽17場得44分領先少賽一場嘅曼城8分。我哋下一場賽事將會喺一星期後嘅足總盃作客甲組第14位嘅牛津聯，希望達帥喺呢一場賽事比多d年青球員上陣好讓正選球員多d時間休息，以備戰兩星期後北倫敦打吡作客熱刺。
