週一, 07 十一月 2022 08:30

作客對車路士賽後報告

上半場愛隊反客為主,10分鐘,韋特右路後上試射,不過柱邊出界。17分鐘,馬天尼利左路推入大位抽射又高出。反而主隊嘅反擊戰術效用不大。27分鐘,馬天尼利長傳禁區遠柱比耶穌仔飛身一頂僅僅柱邊出界。車路士要去到37分鐘先有一次較有威脅射門,不過哈伐斯右路嘅射門被藍斯度接實,最終上半場打成0比0平手。

下半場愛隊繼續主導賽事,55分鐘,奧迪哥特右路傳中比湯馬斯後上,可惜頂出界。61分鐘,耶穌仔右路窄角度射門被文迪撲出底線,63分鐘,薩卡開出角球,加比爾門前輕鬆一篤破網領先1比0。隨後車路士換入加拉加同波也加強攻力,但具威脅埋門繼續欠奉,74分鐘,隊長奧迪哥特半單刀左腳燙遠柱出界,錯失拉開比數機會。雖然尾段主隊亦嘗試搶攻,但始終有心無力,最終愛隊作客小勝1比0贏得今以倫敦打比兼全取3分重返榜首。
我哋下一場賽事將會喺聯賽盃第6圈主場面對狀態不錯嘅白禮頓。

閱讀 469 次數