下半場58分鐘，耶穌仔單刀起腳又被主隊解圍。64分鐘，安路斯直線交予岩士唐篤射破網追和1比1。尾段79分鐘迪恩尼左路傳中比隊長奧迪哥特抽入，但迪恩尼出波前已經出界，所以入球無效。隨後尼基迪亞右路窄角度抽射省中人出界，最終修咸頓得球証之助打成1比1平手完埸。
喺今場打和痛失2分之後，愛隊依然喺聯賽榜上以11戰28分以2分之差力壓曼城排首位。跟住下一場比賽我哋就會喺星期五凌晨喺歐霸盃作客燕豪芬，希望達帥可以比大部分主力球員稍作休息以應付喺世界杯之前嘅聯賽賽事。
週一, 24 十月 2022 07:29
作客修咸頓賽後報告
上半場3分鐘，愛隊一開波即反客為主，薩於右路交波比加比爾，可惜喺門前趕唔切將皮球篤入龍門。6分鐘，沙卡左腳窄角度施射又被擋出。11分鐘韋特右路傳中比沙卡喺小禁區右腳抽射得手領先1比0。38分鐘先有馬天尼利帶波入中路起腳省中對方守衛出界同埋完上半場前耶穌仔小禁區接應隊長奧迪哥特傳送車身抽射省中門將彈出，最終愛隊領先1比0返回更衣室。
發佈於
賽後報告