週三, 05 十月 2022 06:03

主場對熱刺賽後報告

愛隊喺今場北倫敦打吡持續強勢一開波即主導進攻節奏,3分鐘馬天尼利已經有一次機會,可惜射中柱,不過入球終於喺20分鐘出現,柏迪喺禁區邊世界波死角入網領先1比0。31分鐘,列查利臣擺脫沙卡後殺入禁區被入球功臣柏迪踼跌,球證直指12碼,簡尼操刀得手追平1比1完上半場。

下半場僅4分鐘,薩卡勁射被羅利斯撲出,皮球落到耶穌仔腳下撞入空門再度領前2比1。62分鐘,艾馬遜粗野踢跌馬天尼利,直接領紅牌離場。67分鐘,沙卡接應馬天尼利嘅傳送射入將比數拋離至3比1,最後愛隊輕描淡寫之下全取3分。
愛隊以8場7勝1負21分於榜首領先少賽一場嘅曼城4分,而熱刺比我哋打敗及今季聯賽首敗後,以8場17分排第3位。
我地下一場聯賽將會喺7日後主場硬拼利物浦,不過喺對利物浦之前我地將會喺週五凌晨有一場歐霸盃分組賽賽事,主場迎戰波度基林特,相信達帥會比大部份主力休息,不過就算以小將為主面對呢一支所謂挪威班霸都綽綽有餘

閱讀 122 次數