下半場愛隊亦保持中場控球優勢，49分鐘維亞拿右路左腳遠射世界波貼柱入網拉開比數至3比0遙遙領先，呢球亦係佢加盟愛隊後第一個入球。57分鐘耶穌仔同沙卡左路一次one-two後再由耶穌仔入楔近柱近射，不過拉亞用腳封阻。74分鐘賓福特今仗少有嘅組織埋門，由後備入替嘅丹士哥右路起腳，藍斯度亦都輕鬆出迎封位，最後愛隊作客勝出今場倫敦打吡贏賓福特3比0。而愛隊喺完場前換入小將旺拿尼，亦令到愛隊創出英超一項新紀錄，佢以15歲180日成為英超史上最年輕上陣的球員，可喜可賀！
現時積分榜上我哋以7戰得18分排首位，以1分領先曼城及熱刺。經過今場之後將會有兩星期國際賽期稍作休息，而下一場英超賽事將會喺兩星期後倫敦打吡主場迎戰熱刺，期望愛隊今仗一於打殘熱刺，以一個好嘅開始迎接10月嘅地獄賽程！COYG！
週一, 19 九月 2022 05:13
作客賓福特賽後報告
上半場初段受制於主隊嚴密防守而未有太多埋門機會，不過正所謂久守就會必失，17分鐘沙利巴近柱接應薩卡開出角球一頂入網領先1比0。27分鐘愛隊再度埋門，耶穌仔小禁區接憑沙卡妙傳銅頭一搖破網拉開比數至2比0。完上半場前迪恩尼嚟一次遠射，不過炒高咗，愛隊就領先2球返回更衣室。
發佈於
賽後報告