上半場愛隊開賽後便展開狂攻，薩卡喺禁區被明斯攔跌，但未有判罰12碼。30分鐘，沙卡起腳被馬天尼斯撲出，結果耶穌仔執雞成功領先1比0，上半場亦以此比數完結。
下半場戰至73分鐘，客軍換入古天奴及路爾斯，而路爾斯接應角球建功，追平1比1平手。不過客軍開心咗3分鐘後，76分鐘愛隊就閃電再度領先，薩卡傳中，馬天尼利左腳射入再度以2比1領先，最終亦以2比1擊敗維拉全取3分。愛隊喺開季5戰全勝，以滿分15分續排榜首，不過真正既考驗就係3日之後作客奧脫福，希望愛隊再一次以3分為目標打殘呢支病魔鬼！
