週一, 29 八月 2022 05:53

主場對富咸賽後報告

上半場15分鐘,隊長奧迪哥特交出靚波比耶穌仔喺遠柱頂回中路,可惜沙卡射出界。29分鐘,馬天尼利開出角球,皮球中楣頂彈出,冇運。33分鐘後,薩卡單刀起腳比利奴救到,結果上半場愛隊佔有絕對優勢之下而未能取得入球以0比0返回更衣室。

下半場愛隊繼續攻攻攻,但56分鐘愛隊食咗一記悶棍,米特勞域偷走加比爾嘅腳下球,射入佢喺富咸第100球,客軍意外領先1比0。落後之下達帥立即以尼基迪亞換入迪恩尼加強攻力,64分鐘隊長奧迪哥特起腳省中客軍球員入網,追成平手1比1。富咸差dd喺3分鐘後再度領先,米特勞域喺無人看管之下頂出强勁頭錘,好彩藍斯度撲出。85分鐘,今次加比爾就將功補過帶罪立功,喺角球攻勢建功,最後愛隊險勝富咸2比1勝出今次倫敦打比。
經過四輪比賽之後愛隊以全勝姿態4戰4勝以12分佔據聯賽榜首位。開季4連勝亦係隊史上第3次,喺之前嘅2次,愛隊分別奪得聯賽冠軍及亞軍,可謂好兆頭!4日後嘅9月1日我地將會主場面對歐聯冠軍(30幾年前)阿士東維拉,我地將會以3分為目標!COYG!

閱讀 540 次數