週一, 22 八月 2022 01:01

作客般尼芧夫賽後報告

上半場愛隊乘著開季兩連勝嘅勢頭喺開賽僅僅5分鐘就打開缺口,耶穌仔擺脫幾個守將之後傳波比馬天尼利施射但被門將撲出,隊長奧迪哥特門前執雞,迅速領先1比0。11分鐘,賓韋治喺底線傳中,今次耶穌仔控球離腳,不過隊長奧迪哥特就把握機會射入,擴大比數至2比0,靚仔隊長更成為愛隊喺英超歷史上第3位喺最頭11分鐘內梅開二度嘅球員,上半場就憑隊長呢2球領先主隊進入更衣室。

下半場54分鐘,愛隊再嚟多一次驚喜由沙利巴轟入世界波遙遙領先3比0。71分鐘,耶穌仔接應隊長奧迪哥特傳送笠射得手,但係越位在先食咗一記詐糊,不過最後主隊無力破蛋之下大炒般茅3比0完場。
首先喺呢度我真係唔知道要用乜嘢說話去形容今季第三場勝仗!對比上一季開季三連敗相比實有一種苦盡甘來嘅感覺。好,喺三連勝之後愛隊喺聯賽榜拋離昨晚失分嘅曼城多2分以9分排首位,相信各位厰迷都好期待喺7日後28號星期日倫敦打比主場迎戰近況不俗嘅富咸嚟一次久違左嘅4連勝!Why not!

閱讀 206 次數