下半場主隊亦積極反撲，爭議性嘅判罰喺70分鐘出現，馬天尼利因犯規再推跌捷堅奴，極速兩黃一紅被逐出場，不過愛隊打少1人之下反而喺2分鐘後差d入埋第2球保險球，可惜隊長拿卡錫迪喺半單刀下錯過入球良機，隨後愛隊全軍縮後防線，最後喺有驚無險之下憑加比爾上半場建功1比0重返勝軌。
今場小勝結束之前5場不勝困局後，喺聯賽榜壓過曼聯升上聯賽第5位。原本下場賽事要作客車路士，但因對方要參加世冠盃賽事而要取消，所以我哋又有整整一星期休息及部署以應付一支實力不弱嘅升班馬賓福特，亦可以話係復仇戰，報卻季初第一場賽事全失3分之辱！寄望19號主場可以再下一城向前4進發！COYG！！
週五, 11 二月 2022 14:39
作客狼隊賽後報告
喺踏入2022年，愛隊經歷過一個低潮期，經歷足總盃同聯賽盃雙雙先後出局，4場賽事1球不入，自2006年以來首次。經過上月嘅國際賽期同盃賽輪空，再經過兩星期休養生息，亦係愛隊反彈嘅時候！
今仗愛隊可謂叉滿電活力十足，上半場25分鐘，一次右路角球進攻，賓韋特頭槌頂向龍門，衝前接應嘅新隊長拿卡錫迪快步起腳，但撻Q，好彩加比爾門前執雞加一腳射入領先1比0，上半場亦以此比數返回更衣室。
發佈於
賽後報告