週一, 21 二月 2022 14:38

主場對賓福特賽後報告

上半場愛隊活力十足非常主動,不過欠缺少少運氣。11分鐘,隊長拿卡錫迪喺禁區補射但被掃跌,但冇判12碼!2分鐘後,又係隊長拿卡錫迪接應迪恩尼喺左路傳中射入,不過VAR判咗越位在先。愛隊之後再有2個“疑似”12碼冇被判,結果半場踢成0比0返更衣室。

下半場48分鐘,隊長拿卡錫迪左路傳比路維喺大位妙射得手領先1比0。79分鐘湯馬斯妙傳,薩卡再高速突圍喺兩個敵衛之中一腳將皮球射去遠處再越過百界線射成2比0,尾段賓福特有洛哥破蛋,最後愛隊以2比1 報返季初輸波之仇,以23戰42分排第6位,追至同第5位嘅韋斯咸同分,但踢少3場。
下一場比賽將會喺5日後主場對今個月第二次再對狼隊,希望延續上場作客贏狼隊之勢再下一城向聯賽前四進發!

閱讀 790 次數 最後修改於 週一, 21 二月 2022 14:44