週一, 17 一月 2022 05:39

作客利物浦賽後報告

今仗愛隊豪不怠慢以一個頗為強陣陣容出擊,藍斯度,拿卡錫迪,薩卡同沙卡列為正選。上半場利物浦形勢上稍為佔優,當中軒達臣把握藍斯度解圍犯錯,差d先開紀錄。 今場一個關鍵點喺24分鐘出現,沙卡禁區外踢中祖達腹部,球證毫不猶疑直接出示紅牌將沙卡驅逐出場,愛隊逐以十人應戰,上半場最終以0比0進入更衣室。

下半埸紅軍縱使有人多打人少嘅優勢,但戰情維持膠著狀態,紅軍南野拓實有2次射門機會,但都喺柱邊出界。80分鐘,薩卡喺禁區接應傳球起腳,但被阿里遜及時封出。喺完場前1分鐘,紅軍本有一次絕佳機會,南野拓實面對空門竟然撻Q射上觀眾席,結果呢場聯賽盃首回合賽事以0比0完場,究竟係愛隊定紅軍可以喺決賽面對車路士則要留待第二回合分解。
而家我哋要暫且將盃賽放埋一邊,焦點放返喺兩日後北倫敦打吡作客熱刺呢場6分波爭入前四嘅聯賽賽事!

閱讀 481 次數