週五, 17 十二月 2021 05:21

主場對韋斯咸賽後報告

上半場愛隊攻勢不少,最接近入球嘅機會喺39分鐘出現,薩卡同沙卡嚟一次one-two,不過被多遜解圍,泰亞尼窩利勁射,法比安斯基撲出再中楣,横楣救番鎚仔一命,結果打和0比0完上半場。

下半場一開波僅僅3分鐘,拿卡錫迪妙傳比馬天尼利射入開紀錄1比0。直至69分鐘,拿卡錫迪喺禁區被祖法鏟跌換嚟一面紅牌兼輸12碼,由拿卡錫迪親自操刀,不過被法比安斯基救出。結果第二球保險球喺完場前3分鐘由路維將比數擴大至2比0,最後亦以此比數擊敗鎚仔幫,取代佢哋喺聯賽第四位。
相信愛隊都冇乜時間去慶祝呢個久違嘅聯賽第四位排名,喺嚟緊嘅星期日凌晨愛隊將會作客飽受降班威脅嘅列斯聯,寄望愛隊再嚟多一次深宵好波!COYG!

閱讀 108 次數