週五, 17 十二月 2021 05:20

作客愛華頓賽後報告

今仗愛隊由拿卡錫迪頂替最近狀態低迷嘅隊長奧巴美揚。
上半場初段愛隊都未能創造出明顯嘅入球機會。反而喺25分鐘主隊有一次黃金機會,加比爾解圍被格雷截得皮球,傳比杜古希射斜。進入補時2分鐘終於打破僵局,迪恩尼傳中比奧迪哥特窩利抽入靚波領先1比0完上半場。

下半場愛隊一直維持領先好嘅開始大部分時間至79分鐘終止,格雷起腳中横楣彈出比列查利臣頂入追平1比1。而幸運之神更加唔係企喺我哋呢一面,84分鐘薩卡傳中,尼基迪亞頂中柱底而未能再度領先就已經埋下輸波嘅伏線。補時2分鐘,格雷喺20碼外轟入一球絕殺成2比1,主隊亦憑此比數全取三分。
愛隊15戰得23分排聯賽榜第7,經過2連敗之後,唯有都係嗰句知恥近乎勇,寄望本週六可以主場擊敗修咸頓終止頹勢!

閱讀 460 次數