週一, 29 十一月 2021 05:44

主場對紐卡素賽後報告

上半場愛隊一開波即搶攻,先有薩卡接應長傳射斜,跟住有奧迪加特罰球比杜巴夫卡僅僅救出。之後舒維爾喺禁區外勁射比籃斯度撲到再中楣,真係抹一把汗。喺完半場前路維頭槌攻門比杜巴夫卡撲出不遠,本應隊長奧巴美揚近門可以easy執雞,但竟然世紀miss中柱彈出,結果就以0比0完上半場。

下半場愛隊繼續狂攻,56分鐘泰華利斯妙傳比薩卡喺左路窄位射入領先1比0,不過未幾耐佢因為拉傷而退下火線,而入替佢嘅馬天尼利亦入場之後於66分鐘喺右路趁杜巴夫卡出迎快腳一射成2比0,亦喺佢今季入嘅第一球聯賽入球,最終今場係以2比0淨勝紐卡素繼續喺聯賽榜排第五位,近10仗聯賽取得7勝2和僅1負。
今仗除咗隊長嗰一球世紀 miss之外,可以話係攻守兼備。路維、薩卡、奧迪加特同馬天尼利等年青球員都漸漸上力,寄望愛隊喺下個禮拜作客對曼聯可以再接再厲更上一層樓向聯賽前四進發!

閱讀 519 次數