週二, 21 九月 2021 04:52

作客般尼賽後報告

今仗愛隊可算是強陣出擊,上半場佔得比較多嘅優勢,不過愛隊幾乎係先失守嘅一隊,主隊班尼斯接應長傳,頭槌勁頂僅僅斜出,喺避過一劫後,我哋嘅入球就出現喺30分鐘,喺禁區外離門大約25碼獲得罰球,奧迪加特主射罰球越過人牆死角入網,愛隊就憑呢一球精彩入球領先上半場。

雖然下半場愛隊又相繼出現防守不集中嘅老毛病,不過喺好波不如好運情況底下力保不失,繼上一場小勝諾域治1比0之後再一次同一比數擊敗般尼。
新龍門藍斯度表現穩定暫時力保不失,但1比0戰術是否有效就要留待下星期日主場倫敦打吡對熱刺再作分曉。而我哋下一場係聯賽盃賽事,將會喺23號凌晨主場對溫布頓

閱讀 109 次數