週一, 23 八月 2021 10:37

主場對車路士賽後報告

今仗係愛隊今季首場主場賽事,亦係有疫情以嚟首場坐滿球迷嘅賽事。上半場開賽15分鐘,占士突破越位右路傳中比盧卡古於小禁區撞射破網,客軍領先1比0。正所謂一不離二,喺35分鐘,美臣蒙特送個靚波比右路空晒嘅占士狂抽破網,車路士贏到2比0,亦以此比數完上半場。

下半場初段愛隊都有返少少攻勢,賀定頭槌但僅貼柱出界,60分鐘,隊長奧巴美揚落場入替薩卡,但係隊長落場對於攻勢都冇乜幫助仲差d輸多粒。77分鐘盧卡古頭槌攻門,利奴撲到再中楣。不過最終車路士都保持2比0完場。
經過開季2場賽事分別以0比2輸波之後,相信各位廠迷都睇到問題所在,亦希望會方亦睇得到及搵出可解決嘅方法。好啦我哋下一場嘅賽事係嚟緊嘅星期四26號喺聯賽盃作客對西布朗,球迷會希望愛隊經過兩場敗仗之後痛定思痛作出必需嘅改善。

閱讀 97 次數