週一, 08 二月 2021 13:46

作客狼隊賽後報告

愛隊今場先將因探望母親返嚟冇耐嘅隊長奧巴美揚列為後備,由比比、薩卡同拿卡錫迪組成攻擊線。上半場初段我哋已經反客為主,薩卡近門勁射中柱,冇耐薩卡接應拿卡錫迪破網,不過係詐糊。終於入球出現喺32分鐘,比比左路發難連過兩人後射入,領先1比0。但之後喺大好形勢之下比球証改變咗戰況。半場補時階段, 愛隊專注力有所下降之際被安祖斯單刀,雷斯禁區內犯規,球證判罰12碼兼出示一張非常有商榷性嘅紅牌比雷斯,尼維斯射入12碼追平1比1完上半場。

下半場愛隊作出戰術上調動換出加比爾入替拿卡錫迪,但喺49分鐘,莫天奴離門30碼射入一球世界波,反超前2比1。61分鐘,隊長入替比比,惟10分鐘後,利奴因禁區外犯手球被逐,愛隊最終9人應戰以1比2不敵狼隊結束7場不敗走勢。
最後希望愛隊不要因今場比球證苛刻及不公嘅對待而影響士氣,寄望嚟緊嘅星期六晚作客對維拉全取3分!

閱讀 1144 次數