下半場初段主隊繼續佔得優勢,50分鐘艾格斯突破防線後勁射,皮球中柱後反彈再中利奴嗰身彈出底線,愛隊唔使輸多粒都算好彩。其後愛隊先後換入蕯卡同拿卡錫迪,搶番唔少攻勢,不過有攻勢始終入唔到波,80分鐘比比接應拿卡錫迪入楔,可惜比比越位在先而浪費一次追平嘅機會,最終主隊保持1比0戰果完場,愛隊正式宣布衛冕足總盃失敗。
隨著足總盃第4圈止步後,愛隊6場不敗亦終止,達帥今仗收起部份主力,可以講係有d留力留出禍,足總盃出局後,唯有專心為聯賽同歐霸盃爭取佳績,寄望3日後27號凌晨再次作客修咸頓可以一雪前恥全取3分!