下半場初段主隊繼續佔得優勢，50分鐘艾格斯突破防線後勁射，皮球中柱後反彈再中利奴嗰身彈出底線，愛隊唔使輸多粒都算好彩。其後愛隊先後換入蕯卡同拿卡錫迪，搶番唔少攻勢，不過有攻勢始終入唔到波，80分鐘比比接應拿卡錫迪入楔，可惜比比越位在先而浪費一次追平嘅機會，最終主隊保持1比0戰果完場，愛隊正式宣布衛冕足總盃失敗。
隨著足總盃第4圈止步後，愛隊6場不敗亦終止，達帥今仗收起部份主力，可以講係有d留力留出禍，足總盃出局後，唯有專心為聯賽同歐霸盃爭取佳績，寄望3日後27號凌晨再次作客修咸頓可以一雪前恥全取3分！
週三, 27 一月 2021 14:28
足總盃作客修咸頓賽後報告
愛隊今仗除隊長奧巴美揚因家事缺陣之外亦作出輪換變陣，比近仗表現突出嘅路維稍作休息，而蕯卡就放喺後備席，由尼基迪亞，比比，韋利安同傷愈復出嘅馬天尼利合作攻堅。
上半場15分鐘修咸頓取得首個黄金機會，阿當斯引球殺入禁區近門勁射，利奴及時作出神救將皮球撲出底線，25分鐘修咸頓嘅彼德斯進攻右路傳個急勁地波，好不幸加比爾想出腳刪走個波，但皮球改變方向喺利奴脅下入網，修咸頓以加比爾嘅烏龍波領先1比0。聖人得勢不饒人喺4分鐘後，艾格斯左路窩利勁射，好彩由暫代隊長比利連用身擋出，上半場亦以1比0嘅比數完場。
發佈於
賽後報告