週四, 21 一月 2021 14:39

主場對紐卡素賽後報告

愛隊今仗以隊長奧巴美揚同薩卡前線支援拿卡錫迪,而中場方面除“新奧斯爾”路維外仲有柏迪復出擔任正選。
上半場初段愛隊嘅反擊極具威脅,開波8分鐘隊長扭過拿錫斯後起腳,客軍龍門達奴救出。7分鐘後薩卡殺入禁區射出地波,今次達奴用腳擋出,隊長喺遠柱射中門楣唔入真係冇運,最終以0:0完半場。

下半場開賽5分鐘終於有入球,表現大熟大勇嘅路維助攻奧巴美揚入一球靚波先開紀錄1比0,10分鐘後又係路維左路突破傳中,薩卡門前射成2比0,77分鐘索拉斯右路底線中傳,奧巴美揚輕鬆射入埋齋梅開二度,愛隊大勝3比0完場。
愛隊自從路維上位之後,近5場入咗11球,路維已經交出3次助攻成為隊中助攻王,可以話係愛隊復甦關鍵人物,球迷會希望呢位年青人繼續提升技術同狀態幫助愛隊從上頂峰!
講番愛隊賽程,經過4勝1和繼續0失球之後,愛隊將會在4日後23號晚上足總盃第4圈作客修咸頓/梳士貝利勝方。球迷會希望球隊可以保持呢種氣勢一鼓作氣再次擊敗對手爭取6場不敗紀錄!COYG!

閱讀 343 次數 最後修改於 週四, 21 一月 2021 14:40