今仗愛隊除咗比比同艾蘭尼之外，全數均屬副選球員，不過表現就同上一場對熱刺可謂天淵之別，上半場開波初段尼基迪亞先把握對手解圍失誤，截得皮球之後推順挑過門將先開紀錄。數分鐘後艾蘭尼接應路維傳送，禁區外近二十幾碼起腳直飛網頂破網成2比0。主隊隨後由科華斯破蛋追近較為接近紀錄2比1完上半場。
下半場後備入替嘅19歲小將巴朗根成為今場嘅焦點主角，佢喺67分鐘助攻韋諾克射成3比1，其後佢自己再喺尾段接應比比傳送熨射得手成4比1。最後主隊憑賀亞以死球入多1球，愛隊最後以4比2大勝對手，6戰全勝兼狂轟20球，歐洲2項賽事中分組賽戰績最好球隊。
既然喺歐霸賽事中年青球員有咁好嘅表現，達帥不妨喺星期一凌晨主場對般尼嘅賽事當中比多一d機會年青球員以提升多一d化學作用，希望改善愛隊喺聯賽嘅頹勢近況！
週一, 14 十二月 2020 03:59
作客鄧多克賽後報告
雖然愛隊喺聯賽嘅表現同狀態一直反反覆覆，居於谷底有待反彈，不過喺別一戰線 於歐霸賽場就表現異常突出判若兩隊。愛隊喺最後一場分組賽事作客對鄧多克派出多位年青副選球員上陣以4比2大勝對手，6場小組賽事全勝，成為今季歐聯同歐霸唯一一支分組賽全勝球隊，與聯賽相比可謂各走極端。
發佈於
賽後報告