轉載歐洲球迷會聯賽

兵工廠同黑貓以一場3比3嘅和局總結左一個非常精彩嘅比賽週

上場有進帳嘅Ben Chisem 持續有好表現，喺開賽兩分鐘就把握到對方門將同後衛溝通上嘅誤會先拔頭籌。

不過槍手回過神來5分鐘後就扳成平手，右翼高速落底後嘅傳中恰到好處，唐秉義巧妙地接應，球不著地應聲入網。

槍手入球接踵而來，上半場20分鐘，羅偉倫接應傳球門前鏟射破網，為阿仙奴反超前。上半場亦都以呢個比數完結。

換邊後新特蘭加強進攻，希望盡早收復失地，佢地嘅努力最終獲得回報，下半場10分鐘佢地獲得一個自由球，佢地嘅皇牌射手Ben再次擔當重要角色，佢起腳省中對方球員折射入網，新特蘭追和！

黑貓食住個勢再施壓，5分鐘後，右路 Nanki 怒爆阿仙奴防線，再以一記妙絕嘅剔射笠過門將，雖然兵工廠守衛趕及喺白界前護空門，但皮球輾轉落到 Will 腳下，佢亦冷靜將波送入網窩，新特蘭再度領先。

但兵工廠嘅韌力亦都不容小覷，完場前十分鐘佢地再度追成平手，佢地獲得一個角球機會，伏兵遠柱嘅馮振江一躍而起，怒頂破網，將比數改寫成3：3。

及後兩隊再無法增添比數，最終握手言和，各得一分。

球迷會足球隊訊息

第五屆歐洲球迷會錦標賽亦已經正式於十月開始，今屆總共有13支球隊角逐，球迷會足球隊首場比賽將於11月13日晚上8時於興華街西運動場對新特蘭香港球迷會。
如各位有興趣觀看球賽的廠迷，到時可到運動場為足球隊打打氣！期望足球隊旗開得勝！！

日期︰2019年9月1日(星期日)
地點︰Virgo 尖沙咀金馬倫道42-44號華懋金馬倫中心3樓全層
入場時間︰23:00
比賽時間︰23:30
收費：會員$120 非會員$140 (包括兩杯酒精或非酒精飲品）

日期︰2019年8月25日(星期日)
地點︰Virgo 尖沙咀金馬倫道42-44號華懋金馬倫中心3樓全層
入場時間︰00:00
比賽時間︰00:30
名額：20位 (會員優先,額滿即止)
收費：會員$120 非會員$140 (包括兩杯酒精或非酒精飲品）