上半場5分鐘,卡殊放高波入禁區,屈堅斯擺脫沙利巴後射入為維拉領先1比0。雖然愛隊咁快先失一球,不過好快就追平,16分鐘明斯將傳中球誤頂比薩卡射入一記世界波追平1比1。31分鐘,摩蘭奴傳中,而布安迪亞刻意漏後比古天奴射入佢今季首個入球再度領先,最後亦以此比數完結上半場。
上半場24分鐘,富安健洋一次犯錯被加利殊力壓下回傳比藍斯度不夠力水,迪布尼射入領先1比0。愛隊隨即反撲喺完上半場前,尼基迪亞窄角度施射,艾基喺白界前解圍,不過愛隊隨即獲得12碼罰球,因尼基迪亞起腳時被出迎嘅艾達臣侵犯,薩卡主射得手追平1比1完上半場返回更衣室。
上半場25分鐘,客軍東尼喺禁區起腳中楣彈出。39分鐘,又係對方最大威脅嘅東尼喺30碼外勁射,好彩藍斯度飛身撲走,愛隊上半場同賓福特互交白卷進入更衣室。