週一, 15 五 2023 01:17
主場對白禮頓賽後報告
喺上半場，客軍係佔有較多控球率嘅一隊，12分鐘，安斯素喺禁區窄位起腳，藍斯度封出底線。隊長奧迪哥特同薩卡都曾經喺禁區外試射，不過亦都齊齊喺柱邊出界。19分鐘，馬天尼利傷出由托沙入替，最後上半場互無紀錄進入更衣室。
閱讀 318 次數
發佈於
賽後報告
週一, 08 五 2023 09:54
作客紐卡素賽後報告
上半場主隊曾經都曇花一現早段攻勢頗為凌厲，2分鐘梅菲射中柱。8分鐘，基馬尼斯禁區外射門懷疑省中基維奧隻手，球證直指12碼，但好彩經VAR重看慢鏡，確認皮球係踢中基維奧嘅大腿，虛驚一場。所謂大難不死就必有後福，14分鐘，愛隊第1次射門中框就有士哥，隊長奧迪哥特禁區外接應來球，控定推順即離門30碼起左腳射個彈地波死角入網領先1比0。21分鐘，馬天尼利入禁區半單刀起腳被樸比用腳擋出，隨後佢再跟進入禁區起腳，亦同樣被樸比擋出底線，差少少運氣。27分鐘，藍斯度亦有水準以上嘅表現，佢同樣用左腳擋出韋歷克嘅近射，最後愛隊就憑隊長嘅世界波領先1比0進入更衣室。
閱讀 360 次數
發佈於
賽後報告
週四, 04 五 2023 09:54
主場對車路士賽後報告
上半場18分鐘，隊長奧迪哥特接應沙卡傳送先開記錄領先1比0。31分鐘，同樣係沙卡助攻，亦都同樣係隊長奧迪哥特，拉開戰果至2比0，隊長奧迪哥特梅開二度。愛隊得勢不饒人，34分鐘，沙卡攻門被擋出，耶穌仔窄角度射成3比0，半場遙遙領先下進入更衣室。
閱讀 324 次數
發佈於
賽後報告
