週六, 22 四月 2023 01:32

主場對修咸頓賽後報告

或者可以用屋漏兼逢夜雨嚟形容愛隊上半場嘅表現。開賽僅28秒,藍斯度誤傳比艾卡拉斯閃電射入,愛隊落後0比1。14分鐘,艾卡拉斯妙傳比我哋昔日嘅金童禾確特射入自2021年5月以來首個英超入球意外地領先2比0。20分鐘,薩卡喺右路突破傳中比馬天尼利射入1球成1比2較接近比數完上半場進入更衣室。

週一, 17 四月 2023 09:54

作客韋斯咸賽後報告

上半場愛隊初段即反客為主,7分鐘就出現首個入球,韋治接應隊長奧迪哥特直線傳中,耶穌仔近門射入領先1比0。10分鐘,馬天尼利左路傳中比隊長奧迪哥特喺遠柱即時快射破網迅速領先2比0。不過愛隊喺大好形勢之下又再一次重複上週賽和利物浦嘅惡夢。33分鐘,懷斯中路搶得皮球後交比柏基達引球入到禁區,好不幸加比爾喺情急之下鏟跌咗佢,主隊穫得12碼由賓哈馬主射中鵠追成1比2較接近紀錄,最後亦以此比數完上半場返回更衣室。

週一, 10 四月 2023 09:53

作客利物浦賽後報告

上半場30分鐘內可說是愛隊近數年來小有喺晏菲路出現反客為主嘅情況。8分鐘,薩卡右路推進傳波比隊長奧迪哥特再撞牆回番比薩卡,不過被雲迪克踢走皮球,啱啱落喺馬天尼利腳下快腳篤入領先1比0。12分鐘,辛真高禁區外射門差d擴大紀錄,不過被阿里遜擋出皮球後彈地出咗底線。20分鐘,羅拔臣接應法賓奴長傳獲得半單刀機會,佢射向遠柱好彩只係掠門而過。第二球入波就喺28分鐘出現,馬天尼利左路急停後傳中比企喺龍門前嘅耶穌仔頂成2比0將優勢增至2比0。好唔好彩喺上半場尾段42分鐘,紅軍追番1球,沙拿近門撞入替紅軍追至1比2完上半場返回更衣室。

最後修改於 週二, 18 四月 2023 09:55