週二, 22 八月 2023 06:03

主場對水晶宮賽後報告

主隊比較有威脅攻勢出現喺上半場15分鐘,艾耶擺脫富安健洋後傳中,不過藍斯度解圍有驚無險。愛隊嘅進攻開始慢慢發揮,尼基迪亞起腳中柱。36分鐘,懷斯喺禁區邊傳比尼基迪亞單刀,可惜射高出界。42分鐘,隊長奧迪哥特遠射又被莊士東撲出底線,結果踢成0比0完上半場。

週一, 14 八月 2023 01:12

主場對森林賽後報告

上半場愛隊開賽後好快就控制戰局,但第一個有威脅埋門係嚟自客軍喺11分鐘出現嘅單刀機會,好彩莊遜射高。26分鐘,馬天尼利後腳傳交比尼基迪亞射入領先1比0。32分鐘,薩卡喺右路推大位射入靚波好快將比數改寫為2比0,亦以此比數完上半場返回更衣室。

週一, 07 八月 2023 02:51

慈善盾對曼城賽後報告

上半場早段愛隊表現得甚為慢熱,而第一次埋門則由曼城喺14分鐘靴蘭迪斯禁區頂起腳,不過省中懷斯後出界。之後愛隊開始上力反攻,25分鐘,哈伐斯禁區內轉身一射被奧迪加擋出,馬天尼利再衝上補射,但省中史東斯。40分鐘,哈伐斯接應薩卡右路底線傳中,喺小禁區前起腳,但再一次被奧迪加擋出。完半場前,藍斯度企位稍出一d,洛迪即喺半場笠射,但無功而還。結果上半場以0比0互無記錄進入更衣室。