55分鐘，上半場表現失準嘅賀蘭，接應沙維奧禁區右路傳送搶點喺沙利巴面前頂入追平1比1。不過客軍開心追和1比1嘅時間唔夠1分鐘，就因霍頓喺後場傳球被湯馬斯截到即推順起腳，皮球省中史東斯改變方向入網，愛隊閃電再超前2比1，時為56分鐘。62分鐘，懷斯左路妙傳比史基利喺禁區推入大位起右腳射門，奧迪加觸到皮球都入網，擴大比數至3比1。76分鐘，愛隊一次快速反擊，由夏維斯將功補過射成4比1。藍月可謂兵敗如山倒再喺補時第3分鐘被後備入替嘅旺拿尼妙射埋齋大勝5比1，喺全取3分之下，呢場師徒大勝亦為愛隊打下一口強心針。
睇返聯賽榜方面，愛隊以24戰得50分排次名，較小賽一場嘅利物浦少6分。
我哋下一場賽事將會喺聯賽盃準決賽次回合作客紐卡素，希望愛隊保持今仗嘅氣勢扭轉首回合落後0比2嘅劣勢淨勝3球，決賽喺溫布萊見！COYG！！
週二, 04 二月 2025 01:12
主場對曼城賽後報告
2分鐘，藍月因阿簡治喺後場傳球出錯，被上前迫搶嘅懷斯截得皮球再由比夏維斯傳交隊長奧迪哥特射入空門閃電領先1比0。6分鐘，馬天尼利差d再添紀錄，但佢越位在先被判詐糊。23分鐘，馬莫殊左路開出角球，法迪奧頭槌攻門被傷愈復出嘅拉也神勇撲到再中楣彈出。26分鐘，奧迪加後場傳球又被懷斯截下，夏維斯面對空門但射斜。拉也喺臨完上半場前再神勇救出沙維奧喺禁區內嘅射門，結果愛隊暫以1球領先上半場返回更衣室。
發佈於
賽後報告