下半場紅軍有一個關鍵性嘅調動，喺61分鐘以祖達入替羅拔臣，祖達入場只係用咗3分鐘就打破缺口，佢接應阿奴嘅傳中，近門頂入領先1比0。68分鐘，法賓奴交出過頭波，加比爾解圍失誤，沙拿射成2比0。最後祖達完場前梅開二度近門撞入，紅軍以3比0勝出今場比賽。
純粹以技術層面分析，今場比賽係優勝劣敗，全隊都要負上落敗嘅責任，喺聯賽已經可以宣佈不能爭逐較前名次，唯有以破釜沉舟嘅心情寄望歐霸盃，希望愛隊經過數天時間嘅休息喺9號凌晨主場對布拉格斯拉維亞可以表現出應有嘅鬥心，唔好令廠迷失望！
週五, 09 四月 2021 05:01
主場對利物浦賽後報告
愛隊今仗以隊長奧巴美揚、拿卡錫迪、奧迪哥特同比比合作攻堅。薩卡、路維及雷斯則因傷缺陣。
上半場紅軍取得絕對嘅控球權，法賓奴、費明奴同阿奴都先後作出遠射，但都未能命中目標。最入肉嘅一射出現喺35分鐘，阿奴回傳比米拿喺禁區起腳射斜，結果愛隊尚算力保不失0比0守和上半場。
發佈於
賽後報告