週一, 22 三月 2021 12:52

主場對熱刺賽後報告

上半場愛隊明顯踢得較進取,開賽16分鐘路維施射中楣。3分鐘後孫興敏傷出,由茅柴林美拉入替。戰至33分鐘,茅柴林美拉喺人叢中以一記怪腳妙射破網意外領先1比0,呢球亦係客軍上半場唯一嘅中框埋門。愛隊之後傾力反撲,蘇亞利斯射中柱,全隊嘅努力終於喺完半場前得到回報,奧迪哥特接應左路傳中射入,連續兩場比賽都有入波,亦憑呢一球追平1比1完上半場。

下半場一直至64分鐘,拿卡錫迪嘅禁區內射門撻Q,不過同一時間山齊士踢跌拿卡錫迪,經VAR審視為12碼,拿卡錫迪親自主射入網反超前2比1。76分鐘茅柴林美拉兩黃變一紅被逐。反而10人應戰嘅熱刺喺尾段更有攻勢,83分鐘,簡尼頂入但越位在先,入球作廢,而佢喺完場前一分鐘主射自由球中柱,結果愛隊以2比1勝出今次北倫敦打吡以報季初輸波之仇。
賽後愛隊28戰41分排名第10位,希望愛隊繼續努力力爭上游。經過今場賽事之後愛隊有四日時間休息以備戰週五晚凌晨歐霸盃主場迎戰奧林比亞高斯。

閱讀 132 次數